|
|
www.amude.com - serbixwe, çandî, giştî
|
Erşîva nûçe û berhemên malperê
|
|
30.12.2003 - 00:38
Li Swêdê şeva Malpera Amûdê pêk hat
STOCKHOLM (amude.com) – Roja 19ê vê mehê,
li paytexta Swêd Stockholmê şeva Malpera Amûdê
pêk hat. Dora 100 kurdên ji bajarên Uppsala û Stockholmê
li ser awaz û stranên hunermendan Lorîn, Xalid Sofî,
Stêr Bîlal û Hesen Mele dîlan kirin. Malpera
Amûdê çend dîmenên vê şevê li vê
derê pêşkêş dike. [Wêne]
|
|
26.12.2003 - 16:46
Armanc bû armanca polîsên Kanadayê
STOCKHOLM (amude.com) – Berî çend rojan, li bajarê Kanadayê li Montrealê,
hunermendê kurd Armanc (Murat Ala, 43 sal) bi tawanbarkirina komkirina pereyan ji bo Kongreya-Gel
(berê PKK/KADEK) hat girtin. Polîsên kanadî ew bi kefaleta 26500 dolaran serbest berda.
Armanc beriya saetekê hat Swêdê. [Bixwîne]
|
|
15.12.2003 - 19:51
Li Swêdê pêşangeha pirtûkên kurdî bû pêşangeha jidûrketin û xapandinê
STOCKHOLM (amude.com) – Doh li paytexta Swêdê Stockholm 7emîn pêşangeha pirtûkên kurdî
ya durojane bi dawî hat. Ji bilî 7 weşanxaneyan û çend dostên wan, kesên ku beşdarî vê pêşangehê bûn li
ser tiliyên du destan dihatin jimartin. Di çalakiya ji bo bibîranîna Cegerxwîn de, ku doh derbarî pêşangeha pirtûkan
li dar ket, kurdan careke din xebata xwe ya amator û bê pilan eşkere kirin.
[Bixwîne]
|
|
 |
|
| |
09.12.2003 - 23:14
Rêxistinên Elmanya yên partiyên kurdî li Sûryayê careke din
belengaziya xwe eşkere kirin
BERLÎN (amude.com) - Greva birçîbûnê ya
ku dê sibe bi beşdarbûna rêxistinên 4 partiyên kurdî
li Sûryayê dest pê kiriba, pêk nayê. Partiyan ji bîr kiribûn ku
kesên berpirsyar ên belediya Berlînê agahdar bikin û tenê
erêkirina pêkanînê ji polîstan wergirtibûn, ku ev jî tenê dikarin
erêkirina di warê ewlekariyê de bidin. Partiyan dixwestin li pêşiya
perlemana Elmanyayê 3 rojan bikevin birçîbûnê û bi vê yekê siyaseta
Sûryayê li dij kurdan protesto bikin. Kesên ku ji seranserî Elmanyayê ji bo ketina
greva birçîbûnê hatibûn Berlînê, bo vê "serkeftinê" "sipasiya" partiyên xwe
kirin û dîsa vegeriyan malên xwe.
|
|
|
|
|
| |
09.12.2003 - 22:56
Mesut Tek bû 'serokê' PSKê
BERLÎN (amude.com) - Di kongreya
Partiya Sosyalîst a Kurdistanê (PSK) ya 7emîn de, Kemal
Burkay dev ji sekretêriya partiyê berda û piştî
29 salan serokatî nema cih di birêvebiriya PSKê de digire.
Mesut Tek, ku li Elmanyayê dijî, ji bo sekretêriya
hate hilbijartin.
|
|
|
|
|
| |
07.12.2003 - 19:31
Li Hewlêrê Şukur Mistefa hate bi bîr anîn
HEWLÊR (amude.com) - Li jêr sîwana serokê
Partiya Demokrat a Kurdistan-Iraq Mesûd Barzuanî û bi beşdarbûna wî, Kombenda Kawa bo Çanda Kurdî roja 4ê vê mehê li Hewlêrê ahengeke
bibîranîn û rêzgirtinê ji bo rewşenbîrê kurd Şukur Mistefa
li dar xist. Hejmareke mezin ji rewşenbîr û siyasetvanên kurd ji
seranserî Kurdistanê beşdarî ahengê bûn. Herweha jin û malbata
rehmetî jî amade bûn.
>> [Bixwîne]
|
|
|
|
|
| |
06.12.2003 - 06:37
'Sobarto' û romannivîsiya Helîm Yûsiv
ROUEN (ÊVAR BAŞ) - Nivîskar Ibrahîm Seydo
Aydogan, ku li zanîngeha Rouen li Frensayê xebateke lêkolînî ya doktorayê
derbarî romana kurdî dike, bi şêweyekî berfireh li ser
romana nivîskar Helîm Yûsiv 'Sobarto' rawestyaye û wê di
'ÊVAR BAŞ' de pêşkêş dike.
>> [Bixwîne]
|
|
|
|
|
| |
06.12.2003 - 06:05
Hed
Rezoyê Osê - QAMIŞLO (ÊVAR BAŞ) -
Di serboriyeke civakî de, zarokek ji jineke navser re çêdibe. Pêşî
ev zarok pilitik dibe, diçe nav heval û hogiran. Lê, weke zarokan jî jê re digot:
"Sexela pîrê bû, qor û laxer bû, bi nûz-nûz bû, jar û belengaz bû." Belê,
bê ev zarok çendî li malê delalî bû, wilo jî sist û pist bû, lê ew çendî doza
delalîbûna xwe li heval û hogiran dikir.
>> [Bixwîne]
|
|
|
|
|
| |
06.12.2003 - 04:55
Di Perlemana Swêdî de civînek ser pirsa kurdî li Sûryayê
pêk hat
STOCKHOLM (amude.com) - Doh li Stockholmê, Partiya Gel a Swêdî 'Folkpartiet' di
perlemana Swêdî de civînek ji bo pirsa kurdî li
Sûryayê pêk anî. Endamê Perlemana Swêdî
Eric Ullenhag û herweha endama Perlemana Ewropayê Cecilia
Malmström li ser rewşa kurdan li Sûryayê rawestiyan û
ji hukûmeta Swêdê doza rolekê di çareserkirina
pirsa kurdî de li Sûryayê kirin.
>> [Bixwîne]
|
|
|
|
|
| |
06.12.2003 - 04:46
Em ji kurdên Berlînê (Elmanyayê) re çi dikin?
Şêrwan Ebdulmecîd - BERLÎN (amude.com) - Na na, şaş nebe, ez nabêjim ku Kurdistan li Berlîne jî heye.
Lê belê hejmara kurdên Berlînê qasî hejmara bajarekî mezin ê Kurdistanê ye
(texminî: 60.000-70.000).
>> [Bixwîne]
|
|
|
|
|
| |
05.12.2003 - 18:16
Grûpên helbijardeyên
Sûrya û Iraqê ji bo çampyona
cîhanî ya gokê diyar bûn
FRANKFURT (amude.com) - Li bajarê Frankfurt
li Elmanyayê, grûpên helbijardeyên
Sûrya û Iraqê ji bo çampyona
cîhanî ya gokê diyar bûn. Helbijardeya Sûryayê
dê li dij Kîrgîsiya, Taçakistan û Behên
bilîze. Helbijardeyên Felestîn, Taiwan
û Usbekistan dê di grûpekê de li gel
Iraqê bilîzin. Helbijardeyên ku bi ser kevin dê
bikaribin gaveke ber bi beşdarbûna çampyona
cîhanî ya gokê di sala 2006ê de li Elmanyayê
bavêjin.
|
|
|
|
|
| |
04.12.2003 - 12:35
Du sal û nîv zindan ji bo berpirsiyarekî PKK li Elmanyayê
HAMBURG (HA/amude.com) - Çar salan piştî êrîşa
23 alîgerên PKK li ser navenda Partiya Sosyaldemokrat a Elmanyayê
(SPD) li bajarê Hamburgê, Dadgeha Bilind li Hamburgê
berpirsiyarê PKK ê berê Elî Z. (48) ji bo
plankirina wê êrîşê tawanbar kir û biryara
du sal û nîv zindan ji bo wî da. Di şirovekirina biryarê de,
dadmendê berpirsiyar got ku çendîn mirov daxwazên kurdan
fêm bike jî, lê her kes divê bizanibe ku li Elmanyayê
tawankarî nayên qebûl kirin.
>> [Bixwîne]
|
|
|
|
|
| |
03.12.2003 - 01:11
Li Swêdê 7emîn pêşangeha pirtûkên kurdî
û bîranîna sedsaliya Cegerxwîn li dar dikevin
STOCKHOLM (amude.com) - Weşanxaneyên kurdî li Swêdê
dê di rojên 13-14e yên vê mehê de, li Stockholmê
7emîn pêşangeha pirtûkên kurdî pêk werînin.
Herweha di yekşema 14ê mehê de, dê bîranîna sedsaliya
Cegerxwîn ji aliyê rêxistin û dezgehên kurdî li
Swêdê ve li dar keve.
>> [Bixwîne]
|
|
|
|
|
| |
02.12.2003 - 22:05
Ala Kurdistanê bû sedema nehatina yana Hewlêrê ya gokê bo Qamişloyê?!
QAMIŞLO (amude.com) - Berî çend rojan, rêveberiya yana Cîhad a werzişî
li Qamişloyê bi şêweykî fermî ragihandibû, ku dê yariyeke gokê li
bajarê Qamişlo di navbera yanayên Cîhad û ya Hewlêr ji Başûrê
Kurdistanê de di roja îna 28.11.2003ê de çêbibê. Lê ji ber tirsa ku ala
Kurdistanê li ser cilên yana Hewlêr bin, berpirsên Yekîtiya Werzîşê
li Sûryayê pêkanîna vê yariyê nepejirandin.
>> [Bixwîne]
|
|
|
|
|
| |
02.12.2003 - 19:13
Partiya Demokrat a Kurdistanê-Îran dest bi weşana
rojnameyekê bi tîpên latînî kir
PARÎS (amude.com) - Li Parîsê,
yekemîn hejmara rojnameya "Agirî" ji aliyê Partiya
Demokrat a Kurdistanê-Îran ve derket. "Agirî"
rojnameyeke siyasî û çandî ye û berhemên
bi zaravê kurmancî û tîpên latînî diweşîne. Hejmara yekê
ji 20 rûpelan pêk tê.
>> [www.kurdistanmedia.com]
|
|
|
|
|
| |
02.12.2003 - 18:55
Pêşeroj an paşeroj?
STOCKHOLM (ÊVAR BAŞ) - Mijara
'pêşeroj an paşeroj' yek ji pirsgirêkên
zimanê kurdî ye, ku hîn kurdan li ser wê li hev nekirine.
Hin kes ji bo dema pêş peyva pêşerojê bi kar tînin
û hin ên din jî peyva paşerojê. Zagrosê Hajo
di nivîsareke xwe de li ser vê mijarê rawestiyaye û
şirove dike çima ew peyva pêşeroj ji bo dema
pêş rasttir dibîne.
>> [Bixwîne]
|
|
|
|
|
| |
02.12.2003 - 01:28
"Pirsa kurdî li Sûryayê bi yekîtiyê çareser dibe,
ne bi lavlavê û dirûşman"
BONN (amude.com) - Di 08.11.2003ê de, li bajarê
Bonnê li Elmanyayê konferensek ji aliyê Navend li ser
pirsa kurdî li Sûryayê li dar ket. Siyasetvan û rojnamevanê kurd
Dr. Ibrahîm Mehmûd nivîsarek li wê derê derbarî
çareserkirina pirsa kurdî li Sûryayê xwend.
Em nivîsara Mehmûd li vê derê diweşînin.
>> [Bixwîne]
|
|
|
|
|
| |
01.12.2003 - 23:54
Di Paltalkê de şebuhêrkek li gel rojnameger
Salihê Kevirbirî
STENBOL (amude.com) - Roja 06ê vê mehê, demjimêr
21.00, 'Koçka Qamîşlo Bajarê Evînê' ya Paltalkê dê şebuhêrkekê
li gel endamê Senatoya Enstîtuya Kurdî ya Stenbolê rojnameger Salihê
Kevirbirî li dar xîne. Kevirbirî dê li ser
rojnamegeri û weşangeriya kurdî û herweha pirtûkên xwe
biaxife.
|
|
|
|
|
| |
01.12.2003 - 22:47
Kurd û Paltalk
BendîWelat - STOCKHOLM (amude.com) - Di civata kurdan a gundan de, gava ku dibû êvar, hemû gundî li cihekî diciviyan, ku bi
ihtîmala herî xurt mala axayê gund yan jî mala muxtêr bû. Ev mal û ode dibûn cihê
şevbuhêrkên gelek çîrok, stran, galgal û pêkenokên kurdan. Herweha piraniya problemên
rojane û astengên li pêşiya gundiyan di van odeyan de çareser dibûn, bê ku dewlet û
dezgehên wê yên fermî destê xwe bixin nav kar û îşe gundiyan.
>> [Bixwîne]
|
|
|
| |
