|
|
www.amude.com - serbixwe, çandî, giştî
|
Erşîva nûçe û berhemên malperê
|
|
 |
|
| |
29.10.2003 - 20:52
Hejmara 'Tîroj' a 4an derket
STENBOL (amude.com) - Berî çend rojan, Li Stenbolê
hêjmara 4an a kovara dumehî ya çandî û hunerî 'Tîroj'
derket. Di vê hêjmara 'Tîroj'ê de, gelek nivîskarên kurd
bi nivîsên xwe yên li ser çand û hunera kurdî di nava rûpelên
kovarê de cihên xwe girtine. 'Tîroj' berhemên bi kurdî
û tirkî diweşîne.
[Bixwîne]
|
|
|
|
|
| |
29.10.2003 - 19:13
KADEK partiyeke nû li Sûryayê damzirand
DORTMUND (amude.com) - Li Sûryayê partiyeke nû ya kurdî
hate damezirandin. Berî çend rojan, 'Partiya Yekîtiya Demokratîk'
damezirandina xwe îlan kir. Armanca wê ya sereke ew e, ku "li hemberî
desthilatdarên Kurdistanê têkoşîna azadiya gelê kurd bimeşîne û di
tekoşîna demokrasiyê ya Rojhilata Navîn de roleke çalak bilîze". Bi vê yekê,
KADEK beşek din ji biryara kongireya xwe ya 8an, ku li perçeyên Kurdistanê
yên din partiyên taybetî damezirîne, pêk anî.
[Bixwîne]
|
|
|
|
|
| |
29.10.2003 - 14:26
'Guhertinên li Rojhilata Navîn ji bo Kurdên Sûriyê şansek e?' - Civînek
li Elmanyayê
BONN (amude.com) - Komeleya 'NAVEND ji bo Lêkolînên Kurdî'
dê roja 08.11.2003ê li bajarê Bonnê li Elmanyayê civînekê bi navê
'Guhertinên li Rojhilata Navîn ji bo Kurdên Sûriyê şansek e?' li dar xîne.
Komek ji lêkolîner, siyasetvan û kesayetiyên kurd û elman
dê beşdarî vê civînê bibin.
[Bixwîne]
|
|
|
|
|
| |
29.10.2003 - 13:36
Pirtûka 'Antolojiya çîrokên kurdî (1856-2003)' derket
STENBOL (amude.com) - Li Stenbolê û ji nav wesanên NÛDEM, pirtûka 'Antolojiya çîrokên
kurdî (1856-2003)' derket. Amadekarê Pirtûkê nivîskar Firat Cewerî ye.
Ev pirtûk yekemîn antolojiya çîrokên kurdî ya hemû deman, hemû perçeyên
Kurdistanê, hemû zaravayên zimanê kurdî û hemû alfabeyên ku zimanê kurdî pê
tê nivîsandin e. Nêzîkî 100 nivîskarên ji her çar perçeyên Kurdistanê di
vê antolojiyê de cih girtine. Pirtûk ji du cildan pêk tê û herdu bi hevre 1072 rûpel in.
[Bixwîne]
|
|
|
|
|
| |
29.10.2003 - 13:32
KADEK jî bû xwedî malpereke taybetî
DORTMUND (amude.com) - Li Elmanyayê, malpereke
nû ya partiya KADEK vebû. Di vê malperê de, agahiyên derbarî
KADEK bi zimanên kurdî, elmanî, ingilîzî û tirkî peyda dibin.
[www.kadek-kurdistan.org]
|
|
|
|
|
| |
27.10.2003 - 22:51
Texteke bibîranînê ji bo goriyên 'Mykonos' ên kurd
BERLÎN (amude.com) - Endamên Partiya Kesk a Elmanî
di perlemana taxa Wîlmersdorf de li Berlînê dixwazin
ji bo siyasetvanên kurd ên ji Rojhilatê Kurdistanê,
yên ku di 17.09.1992ê de di xwaringeha bi navê Mykonos de
li bajarê Berlînê ji aliyê hin terorîstên
îranî û libnanî hatin kuştin, texteke bibîranînê
di xaniyê 'Haus Prager Straße 2 a' de daleqînin, wiha rojnameya
elmanî 'Berlîner Zeitung' di hejmara xwe ya îro de ragihand.
Grûpa kulturê ya perleman dê li ser vê daxwazê
guftûgo bike.
[Bixwîne]
|
|
|
|
|
| |
26.10.2003 - 21:48
Li Stenbolê rewşenbîrên tirk û biyanî hînî 'kurdî' bûn
STENBOL (amude.com) - 'Birimizin Derdi hepimizin Derdi' (Derdê yekî ji me,
derdê me hemûyan e) beşek ji berdewamiya organîzasyona 'Dijber
ligel hev in', ku ji hêla nivîskarê îslamîst Ebdulrehman Dîlîpak û Ateîst
Şanar Yurdatapan ve tê bi rê ve birin.
[Bixwîne]
|
|
|
|
|
| |
26.10.2003 - 20:55
Jan Dost: "Pîvanên tenduristiya wêjeya miletekî xwendevanên wî ne!"
STENBOL (dîha/êvar baş) - Berî çend rojan, nivîskar Jan Dost beşdarî Festîvala Êlihê (Batmanê)
li Bakurê Kurdistanê bûbû. Berî ku ew biçe Êlîhê (Batman), Ajanseya Dicle ew li
Stenbolê dît û bi wî re li ser pirs û pirsgirêkên wejeya kurdî, bi taybetî
jî li ser girîngiya rexnegiriya wêjeyê, hevpeyvînek pêk anî.
[Bixwîne]
|
|
|
|
|
| |
26.10.2003 - 19:47
Li Elmanyayê konferanseke ser Cegerxwîn
WUPPERTAL (amude.com) - Derbarî çalakiyên ji bo sedsaliya
Cegerxwîn, Yekîtiya Komelên Kurdistan (KOMKAR) li Elmanyayê
dê di 06.12ê de li bajarê Wuppertal konferansekê li dar xîne.
Eskerê Boyîk, Dr. Husên Hebeş û Heyder Ûmer dê li ser
cegerxwîn û xebata wî biaxifin.
[Bixwîne]
|
|
|
|
|
| |
26.10.2003 - 16:41
Li Firensayê endamekî KOMKAR hate birîndar kirin
DORTMUND (amude.com) - Di daxuyaniyekê de ji bo raya giştî,
Komîteya Derve ya Partiya Sosyalîsta Kurdistan (PSK) ragihand, ku
di roja 18ê vê mehê de, li Parîsê çend endamên KADEK
êrîşî endamekî rêxistina Firensayê ya KOMKAR bi navê M. Kurt kirin
û ew dan ber lêdanê û birîndar kiribûn. Kurt xwesteka
endamên KADEK ne pejirandibû û pere ji bo alîkariya KADEK
ne dabûn wan.
>> Bixwîne
|
|
|
|
|
| |
26.10.2003 - 12:45
Lêborîn ji bo agahiyên kêm û nameyek
ji Şêrko Bêkes
ŞAM (amude.com) - Berî çend rojan, me nûçeya
çalakiya bibîranîna dehsaliya koçkirina
Osman Sebrî li Şamê weşand. Peymanêrê me
Rustem Hemze ji Şamê nameyek şandiye û tê de
çend agahiyan li wê nûçeyê zêde dike.
>> Bixwîne
|
|
|
|
|
| |
25.10.2003 - 07:15
Helbestvan Yûsivê Berazî xelata yazdemîn
Festîvala Helbesta Kurdî li Sûryayê wergirt
QAMIŞLO (amude.com) - Doh li Qamişloyê, yazdemîn Festîvala
Helbesta Kurdî li Sûryayê pêk hat. Helbestvan
Yûsivê Berazî (Bêbûhar) xelata îsal wergirt. Bêtirî
55 helbestvan ji seranserî Başûrê-Rojavayî Kurdistanê
û Sûryayê beşdarî festîvalê bûn.
>> Bixwîne
|
|
|
|
|
| |
24.10.2003 - 12:42
Li Hannoverê ahengek ji bo piştgiriya
girtiyên siyasî yên kurd li Sûryayê
HANNOVER (amude.com) - Sibe li bajarê Hannover li Elmanyayê,
dê ahengeke muzîkê ji bo piştgiriya girtiyên siyasî
yên kurd ên di zindanên Sûryayê de li dar keve.
Komek ji hunermendên kurd dê bi awaz û gotinên xwe
vê şevê bixemilînin. Aheng demjimêr 15.30
dest pê dike.
>> Bixwîne
|
|
|
|
|
| |
23.10.2003 - 14:21
Bangewaziyeke hunermend Seîd Gabarî bo hunermend û rewşenbîrên kurd
DORTMUND (amude.com) - Di bangewaziyekê de,
hunermend Seîd Gabarî berê xwe dide hunermend
û rewşenbîrên kurd û ji wan dixwaze,
ku li huner û muzîka kurdî xwedî derkevin.
Helbestvan Sebrî Silêvanî bangewaziya Gabarî
ji zimanê erebî wergerandiye kurdiyê.
[Bixwîne]
|
|
|
|
|
| |
23.10.2003 - 11:07
Hejmara 'Pênûs' a 15an derket
DORTMUND (amude.com) - Li Elmanyayê hejmara
15an a kovara 'Pênûs' derket. Di vê hejmarê de,
18 berhemên siyasî û çandeyî yên bi zimanên
kurdî û erebî cih girtine. 'Pênûs' kovara rêxistina
Ewropayê ya Partiya Yekîtî ya Kurd li Sûryayê ye
û her sê mehan carekê derdikeve.
[www.efrin.net/penus]
|
|
|
|
|
| |
23.10.2003 - 10:24
Li Qamişloyê çalakiyên ji
bo Cegerxwîn didomin
QAMIŞLO (amude.com) - Bi helkeftina derbasbûna 19e salan di ser koçkirina
seydayê Cegerxwîn re û der barî çalakiyên ji bo sedsaliya wî,
Komîteyên 'Sala Cegerxwîn' û 'Vejandina Zimanê Kurdî' doh êvarî
li Qamişloyê ahengek berfireh bi beşdarbûna cemawerekî mezin
li dor gora Cegerxwîn di mala wî de li dar xistin.
[Bixwîne]
|
|
|
|
|
| |
22.10.2003 - 20:56
Li Stockholmê semînarek li gel Dr. Ebdilbasit Seyda
STOCKHOLM (amude.com) - Roja şemiya 25ê vê mehê,
lêkolînerê kurd Dr. Ebdilbasit Seyda dê
di semînareke 'Kitêbxaneya Kurdî' de li paytexta swêdî
Stockholm li ser pirtûka xwe 'Pirsa Kurdî
li Sûryayê' biaxife.
[Bixwîne]
|
|
|
|
|
| |
22.10.2003 - 19:38
Konê Reş
(wêne: E. Çelebî)
|
Rexnegirên helbestê nîn in
Emîne Çelebî - AMED (amude.com) - Helbestvan û nivîskarê kurd ê ji Başûrê Biçûk Konê Reş,
ku heya niha ji dehan zêdetir pirtûkên wî yên li ser helbest, wêje,
dîrok û zarokên Kurdan hatine weşandin, demek berê ji bo
şeva Sedsaliya Cegerxwîn hate Amedê.
[Bixwîne]
|
|
|
|
|
| |
22.10.2003 - 16:54
Dengbêjê kurd Keremê
Gerdenzerî bû xwedî malpereke taybetî
MOSKO (amude.com) - Li Moskoyê, malperek ji bo
hunermendê kurd
Keremê T. Gerdenzerî vebû. Di vê malperê de, agahiyên ser
Gerdenzerî û muzîka wî peyda dibin. Herweha
mirov dikare li komek ji stranên wî guhdar bike.
Keremê T. Geredenzerî di 1952ê de li bajarê Tibîlîsê
ji dayik bûye û niha li Moskoyê dijî.
[www.gerdenzeri.com]
|
|
|
|
|
| |
22.10.2003 - 11:25
Doza serxwebûnê û şerê çekdarî Kurd birin
Reşîd Battê - UPPSALA (amude.com) - Îro li Bakurê
Kurdistanê bi hezaran gund û zivîng wêran in.
Bi milyonan Kurd li bajarên Tirkiyê li roavayê Anadolê di navbera
man û nemanê de ne, bêyî ku bikaribin liberxwedanê bikin û di bin
asîmîlasyona zimanê tirkî de dinalin.
[Bixwîne]
|
|
|
|
|
| |
22.08.2003 - 10:00
Li Helebê 2 siyasetvanên kurd tên pêşiya
dadgeha leşkerî
HELEB (amude.com) - Îro li bajarê sûrî Helebê,
dadgeh kirina siyasetvanên kurd Zerdeşt Mihemed û Reşîd
Şeban û 12 kesên din li pêşiya
dadgeha leşkerî dest pê dike. Dora 180 parêzer
ji seranserî Sûryayê, ku di nav wan de gelek Kurd jî hene,
dixwazin li dadgehê mafê van çalakvanan biparêzin.
[Bixwîne]
|
|
|
|
|
| |
21.10.2003 - 22:13
Silêmanî û Dihokê çalakiyên
rewşenbîrî ji bo sedsaliya Cegerxwîn pêk tînin
SILÊMANÎ/DIHOK (amude.com) - Bi boneya sedemîn salvegera jidayikbûna helbestvan
Cegerxwîn, li Silêmaniyê û Dihokê du
çalakî têne amade kirin. Wezareta kulturê ya hikûmeta
Kurdistanê li Silêmaniyê û Yekîtiya Nivîskarên Kurd-Dihok
dê sibe û dusibe helbestvanên kurd ji seranserî Kurdistanê
bigihînin hev û Cegerxwîn bi bîr bînin.
[Bixwîne]
|
|
|
|
|
| |
21.10.2003 - 20:26
Li Parîsê konsêrteke Miço Kendeş
PARÎS (amude.com) - Instîtûya Kurdî li Parîsê
dê roja 13.11.2003ê li Parîsê konsêrtekê ji bo
hunermendê kurd Miço Kendeş li gel grûpa wî
li dar xîne. Kendeş Kurdê Başûrê-Rojavayî
Kurdistanê ye û niha li Swêsrayê dijî.
[Bixwîne]
|
|
|
|
|
| |
21.10.2003 - 19:52
Perlemanê Ewropî konferansek li ser
paşeroja Iraq û Başûrê Kurdistanê
pêk anî
QAMIŞLO (amude.com) - Li ser daxwaza parlementerên sosyalîst
di Perlemana Ewropayê de û Instîtûya Kurdî
li Parîsê, pêncşema borî
Perlemanê Ewropî li Brûkselê konfranseke taybetî
li ser paşeroja Iraq û Başûrê Kurdistanê
li dar xist. Komek ji Kurdan beşdarî
vê konferensê bûbûn û di nav wan de
nûnerê rêxistina Ewropayê ya Partiya
Demoqrata Kurd li Sûryayê (El-Partî)
Mihemed Seîd Alûcî.
[Bixwîne]
|
|
|
|
|
| |
20.10.2003 - 08:20
'Têmûrê Xelîl, ji xwe re li mala xwe rûne û me ji bîr bike!'
DORTMUND (amude.com) - Piştî ku me
nivîsara rexneyê ya nivîskar Têmûrê Xelîl derbarî xebata Kurdên Yekîtiya
Sovyetê ya berê weşand, nivîsarek ji aliyê
'Dr. Miraz' ji me re hat. Ew Têmûrê Xelîl rexne dike û têbîniyên xwe
derbarî nivîsara wî diyar dike.
[Bixwîne]
|
|
|
|
|
| |
20.10.2003 - 08:00
Malpereke nû
DORTMUND (amude.com) - Piştî
ku malpera "Iraq 4 all" dengûbasên xwe bi zimanê
erebî diweşandin, wê niha beşek ji bo
nûçeyên kurdî vekir. Di vî beşî de,
xebatkarên malperê nûçeyên bi tîpên latînî ji
malperên kurdî werdigrin û di pencereya nû de
diweşînin.
[www.iraq4allnews.com/kurdish/]
|
|
|
|
|
| |
18.10.2003 - 15:45
Pîr Rustem |
Îslam û zordarî (I)
EFRÎN (amude.com) - Nivîskar
Pîr Rûstem ji Efrînê lêkolîneke dirêj li ser
îslamê û zordariyê nivîsandiye.
Em vê lêkolînê di xelekan de li vê
derê diweşînin û îro dest bi xeleka yekê
dikin.
[Bixwîne]
|
|
|
|
|
| |
18.10.2003 - 14:50
Jimara gelê kurd li Başûrê-Rojavayî
Kurdistanê
Mihemed Hemo - SILÊMANÎ (amude.com) - Ji ber ku her çar perçeyên Kurdistanê
dagîrkirî ne, ta niha, jimara gelê kurd di her çar
perçeyên Kurdistanê
de sed-sed ne diyar e. Loma gelê kurd nikare serhijmartina xwe pêk bîne.
Gava dagîrker jî serhijmartina Kurdan pêk tîne, ew wê
eşkere nakin û ger eşkere jî bikin, ew rastiyê nabêjin.
Lê divê siyasetvan jimara gelê xwe bizanibe
[Bixwîne]
|
|
|
|
|
| |
18.10.2003 - 14:14
Çend têbînî û serastkirin derbarî nivîsên
li ser Kurdên Yekîtiya Sovyetê ya berê û xebata wan
STOCKHOLM (amude.com) - Nivîskar Têmûrê Xelîl
nivîsarek ji me re şandiye û tê de rexneya hevpeyvîna
Salihê Kevirbirî bi berpirsiyarê rojnameya 'Riya Teze'
Emerîkê Serdar re (Êvar Baş, 09.10.2003) dike û herweha çend
têbîniyên xwe derbarî vê hevpeyvînê
û nivîsin din li ser Kurdên Yekîtiya Sovyetê ya
berê û xabat wan eşkere dike.
>> Bixwîne
|
|
|
|
|
| |
18.10.2003 - 12:41
Li Şamê jî dehsaliya koçkirina Osman Sebrî
hate bi bîr anîn
Rustem Hemze - ŞAM (amude.com) - Bi helkeftin borîna deh salan li ser koçkirina
Apo Osman Sebrî û bi beşdarbûna hejmareke mezin (100 kes) ji
siyasetvan, rewşenbîr û xelkên taxa Kurdan
li bajarê Şamê, doh êvarî li mala Osman Sebrî
li Şamê şevbuhêrkeke bibîranînê hate li dar xistin.
>> Bixwîne
|
|
|
|
|
| |
18.10.2003 - 12:32
Kurdên Binxetê li Holendayê sedsaliya Cegerxwîn
vedijînin
ARNHEM (amude.com) - Platforma Kurdên Sûryayê li Holenda
dê şemiya 25.10an li bajarê holendî
Arnhem çalakiyeke çandî û hunerî
derbarî sedsaliya Cegerxwîn li dar xînin.
Ehmedê Huseynî, Bavê Narîn, Hoşeng Broka, Henîf Yûsif, Dilyar Dêrik
û hunermend Rûbar dê beşdarî vê
çalakiyê bibin.
>> Bixwîne
|
|
|
|
|
| |
18.10.2003 - 03:18
Newafê Gedo mir
ŞAM (amude.com) - Doh êvarî, nivîskarê folklorê kurdî
Newafê Gedo di nexweşxaneyekê de li Şamê
ji ber jana penceşêrê koça dawîn kir. Gedo 67 sal kirin. Ew dê
îro li gundê Gedo nêzîkî Qamişlo
bê veşratin.
>> Bixwîne
|
|
|
|
|
| |
17.10.2003 - 14:54
Kurdên Hannoverê ahengekê ji bo piştgiriya
girtiyên siyasî yên kurd li Sûryayê amade dikin
HANNOVER (amude.com) - Kurdên bajarê Hannover li Elmanyayê
dê bi alîkariya 'Inîsiyatîva ji bo Navendeke
Çandî ya Navneteweyî' û bi beşdarbûna komek
ji hunermendên kurd şemiya 25.10an
ahengeke muzîkê ji bo piştgiriya girtiyên
siyasî yên kurd ên di zindanên
Sûryayê de li dar xînin.
>> Bixwîne
|
|
|
|
|
| |
17.10.2003 - 14:45
Heftenameya XEWIN derket
DIHOK (amude.com) - Li Başûrê Kurdistanê
kovareke internêtê ya nû bi navê "XEWIN" derket. Ev kovar heftane ye
û berhemên çandî û wêjeyî bi tîpên
latînî diweşîne.
>> membres.lycos.fr/xewin/
|
|
|
|
|
| |
16.10.2003 - 23:14
Semînarek li gel Novîn Hersan
STOCKHOLM (amude.com) - Siyasetvana kurd
Novîn Hersan dê şemiya 18ê vê mehê
ji Stockholmê beşdarî semînareke
taybetî di Koçka Qamişlo Bajarê Evînê
ya Paltalkê de bibe. Semînar demjimêr 21.00
dest pê dike.
|
|
|
|
|
| |
16.10.2003 - 20:11
Li Tirkiyeyê yekemîn filmê porno bi
zimanê kurdî derket
STENBOL (afp/amude.com) - Yekemîn filmê porno
bi zimanê kurdî daket bazarên Bakurê Kurdistanê
û Tirkiyeyê. Filmê bi navê "Fantasiyên Kalo"
daket bazaran û bêtir Kurdên li Bakurê Kurdistanê
wî dikirin, wiha rojnameya tirkî "Hûrriyet" di hejmara xwe
ya îro de ragihand. Ev film li ser rê ye, ku hemî
rêkordan bişkîne.
>> Bixwîne
|
|
|
|
|
| |
14.10.2003 - 23:33
Rewşenbîr û kesayetiyên kurd
li dij çûna leşkerên tirk ji bo Iraqê ne
STOCKHOLM (amude.com) - Komek ji rewşenbîr û kesayetiyên kurd
îro di nameyeke vekirî de ji bo Mesûd Barzanî, Celal
Talbanî û serokê Perlemana Kurdistanê Roj Nûrî Şawês
piştgiriya xwe ji bo biryara Perlemana Kurdistanê derbarî
çûna leşkerên tirk ji bo Iraqê diyar kirin û ji
serokatiya Dewletên Yekbûyî yên Emerîkayê û ji serokatiya Britanîyayê dixwazin
ku guh bidin miletê kurd û Tirkan neşînin Iraqê.
>> Bixwîne
|
|
|
|
|
| |
14.10.2003 - 19:16
Prof. Dr. Şakroyê Xido:
"Bingeha dewleta kurdî hatiye çê kirin, lê dehfandina
dîrokê xerabkirin e!"
S.H.Berko - BOTTROP (amude.com) - Şemiya borî,
serokê Navneda Lêkolînên Kurdî li Moskoyê Prof. Dr. Şakroyê Xido
semînarek li ser dîroka kurdî ji destpêka sedsaliya borî ta roja îro
pêk anî. Xido bi şêweyeke balkêş behsa derfetên ji
bo çareserkirina pirsa kurdî di sedsala borî de kir û çawa ji ber gelek
sedeman ev yek pêk ne hat.
>> Bixwîne
|
|
|
|
|
| |
14.10.2003 - 18:41
Li Uppsala serxweşî ji bo
Hecî Ebdulah Seyda
UPPSALA (amude.com) - Roja yekşema
19ê vê mehê, li bajarê Uppsala li
Swêdê dê serxweşiyek ji
bo Hecî Ebdulah Seyda li dar dikeve. Navnîşan jî ev e:
Lokala ABF, Liljefors torg. Serxweşî ji
demjimêr 15.00 ta 19.00 pêk tê.
|
|
|
|
|
| |
14.10.2003 - 18:10
Cewad Mele di kenalên
erebî û kurdî de li ser pirsa kurdî diaxife
LONDON (amude.com) - Serokê Kongireyê
Kurdî yê Neteweyî Cewad Mele sibe dibe mêvanê
kenala ANN a erebî û li ser pirsa kurdî li Başûr
û Başûrê-Rojavayî Kurdistanê diaxife.
Bername demjimêr 17.00 dest pê dike. Dîsa sibe,
ew beşdarî bernameyeke kenala kurdî Kurd Sat dibe. Ev bername
demijimêr 20.30 dest pê dike.
|
|
|
|
|
| |
14.10.2003 - 13:48
Hevpeyvîn li gel Xelîl Kerro
li ser xwepêşandana Kurdan li Stockholmê û armancên wê
STOCKHOLM (amude.com) - Derbarî xwepêşandana
Kurdan li Stockholmê, ya ku şemiya borî li dar ket, û rewşa Kurdên Başûrê-Rojavayî
Kurdistanê, 'Radyoya Aştî' li Stockholmê
hevpeyvînek li gel berpirsê rêxistina Ewropa ya Partiya Çep a Kurd li Sûryayê
Xelîl Kerro kir.
>> Li hevpeyvînê
guhdar ke (25 deqe)
|
|
|
|
|
| |
13.10.2003 - 15:39
'Min Kurdistan bi çavan ne dît, lê min bihîst' -
Hecî Ebdulah Seyda koça dawîn kir
AMÛDÊ (amude.com) - Doh li bajarê Amûdê,
demjimêr 18.15, dilê welatparêzê kurd Hecî Ebdulah
Seyda sekinî. Seyda birayê mezin ê Sekretêrê Giştî yê
Partiya Çep a Kurdî li Sûryayê Ismet Seyda bû.
Ew doh di goristana Amûdê de hate veşartin. Gotinên Seyda yên
dawî ev bûn:
'Min Kurdistan bi çavan ne dît, lê min bihîst'.
>> Bixwîne
|
|
|
|
|
| |
12.10.2003 - 18:51
Rojnamegerên Êlîhî Ciwan Haco xelat kirin
ÊLIH (dîha/amude.com) - Derbarî pêşbaziya nûçe û fotografan, a ku ji
hêla Kemeleya Rojnameger û Weşangerên Êlihê (BGYC) ve hatibû li darxis tin,
hunermend Ciwan Haco doh di mersîma xelatkirinê de
"Xalata Rûmetê" ji aliyê BGYC wergirt. Haco
ji bo pêkanîna konsêrekê çûye Êlihê.
>> Bixwîne
|
|
|
|
|
| |
12.10.2003 - 12:28
Michael Schumacher cara şeşê dibe
çampyonê cîhanê di ajotina tirimbêlên
Formula 1 de
SUZUKA (amude.com) - Li bajarê Suzuka
li Japonê, Michael Schumacher (Şûmaxer)
ê elmanî cara şeşê bû çampyonê
cîhanê di ajotina tirimbêlên
Formula 1 de. Şûfêrê Ferarî
Schumacher Kimi Räikkönen ê fînlendî, yê ku
tirimbêla Merceds dajot, li piş xwe hişt.
Juan Pablo Montoya (BMW) bû sêyemîn yek.
|
|
|
|
|
| |
12.10.2003 - 01:46
Duyemîn Xelata Osman Sebrî
diçe ji Danielle Mitterrand re
QAMIŞLO (amude.com) - 'Komîteya Xelata Osman Sebrî'
biryar stand, ku duyemîn Xelata Osman Sebrî bide
xanim Danielle Mitterrand, xanima serokê Firensayê yê
berê François Mitterrand, wiha endamê komîteyê
Dîlawer Zengî li Qamişloyê diyar kir.
Yekemîn xelat di sala 1998ê de ji bo Îsmaîl Beşîkçî
hate pêşkêş kirin.
>> Bixwîne
|
|
|
|
|
| |
12.10.2003 - 00:45
Li Qamişloyê dehsaliya koçkirina Osman Sebrî
hate bi bîr anîn
Konê Reş - QAMIŞLO (amude.com) - Bi helkeftina derbasbûna deh salan
di ser koçkirina Apo Osman Sebrî re, doh li Qamişloyê civîneke bîranînê ji
aliyê 'Komîteya Xelata Cegerxwîn' û 'Komîteya Xelata Osman Sebrî'
li gel komek birek ji nivîskar, helbestvan û rewşenbîrên kurd hate li dar xistin.
>> Bixwîne
|
|
|
|
|
| |
11.10.2003 - 23:05
Osman Sebrî - Têkoşer û xemxurekî
ziman û gelê kurd
Berken Bereh - AMED (amude.com) -
Di jiyana her neteweyê de, hinek kes hene ku heta nefesa xwe ya dawî
bo serfirazî, çand û zimanê xwe têkoşîne û ber xwe dane. Bi saya
van kesan, wan netewan karîne her tim li ser lingan bimînin û hember zordarî
û sitemkariya, ku li ser wan tête meşandin, xwe ragirin. Di nav neteweya
me de jî, yek ji van kesan gorbûhişt Osman Sebrî ye.
>> Bixwîne
|
|
|
|
|
| |
11.10.2003 - 20:45
Kurdên Swêdê derketin pêşiya
balyozxaneya Sûryayê li Stockholm
hate nû kirin
STOCKHOLM (amude.com) - Îro li paytexta Swêdê Stockholm,
dora 700 Kurdên Swêdê li pêşiya
balyozxaneya Sûryayê xwepêşandanek li dar xistin
û rêjîma Sûryayê protesto kirin. Balyozxaneyê
deriyên xwe girtibûn û pêşwaziya komîteya
Kurdan ne kir.
>> Bixwîne
|
|
|
|
|
| |
10.10.2003 - 19:04
Xwendinek di berhemên Cegerxwîn de (I)
QAMIŞLO (evarbash.com) - Derbarî çalakiyên
ji bo sedsaliya Cegerxwîn, nivîskar
Rezoyê Osê ji Qamişlo roja 27.09.2003ê beşdarî
semînareke li bajarê Izmîrê bû û
li wê derê lêkolîneke xwe li ser
Cegerxwîn û berhemên wî xwend. Me ev lêkolîna
dirêj kir du beş û em beşê yekê niha diweşînin.
>> Bixwîne
|
|
|
|
|
| |
10.10.2003 - 14:18
Xelata Nobel a Aştiyê çû ji jineke îranî re
OSLO (dpa/amude.com) - Xelata Nobel a Aştiyê îsal diçe
ji parêzera mafê mirovan a îranî Şêrîn Ebadî
re. Komîteya Nobel li Oslo Ebadî ji bo xebata wê ji bo
parastina mafê jinê û zarokan li Îranê ji bo
wergirtina xelatê helbijart. Ebadî 56-salî ye û
û sala 1969 yekemîn jin bû ku li Îranê
bû dadmend. Lê piştî serhildana 1979ê,
ew hate mecbûr kirin ku dev ji wî karî berde.
>> Bixwîne
|
|
|
|
|
| |
10.10.2003 - 01:59
Panoramayek di deryaya lehengekî ji lehengên gelê kurd de:
Têkoşer û torevan Osman Sebrî wek nimûne
Konê Reş - QAMIŞLO (amude.com) -
Mirov ji ber xwe ve nabin leheng û her roj leheng çê nabin. Dibe ku di nav miletekî
de nifşek derbas bibe û Xwedê lehengekî di nav lingê dayikekê de ji wî nifşî
derbas neke, ew nifiş stewir bimîne; û dibe ku di nifşê miletekî de
gelek dayik lehengan bînin..
>> Bixwîne
|
|
|
|
|
| |
09.10.2003 - 22:43
Bi şîr şewitîn, pif dew kirin
Ebdilhelîm Mele Mihemed - SWÊSRA (amude.com) -
Ê ku piştî damezirandina Israîl li bûyeran li Rojhilata Navîn binere,
dê bibîne bê çiqas Partiya Baas şaşitî di mafê gelê ereb û kurd
û têkeliyên wan ên dîrokî de kirine.
>> Bixwîne
|
|
|
|
|
| |
09.10.2003 - 22:14
Heskîf bi dengê kemana Dilşad Saîd sermest bû
ÊLIH (DÎHA/amude.com) - Yekemîn Mehrecana Çand û Hunerê ya Heskifê doh bi
resepsiyonekê, bi beşdariya kemanjen Dilşad Saîd û hunermenda baleyê Zeynep Tanbay bi
awayekî fermî dest pê kir. Şaredarê Êlihê Huseyîn Kalkan di resepsiyonê de axaftinek
kir û got ku dê hunermendê kurd ê navdar Ciwan Haco teqez beşdarî mehrecanê bibe.
>> Bixwîne
|
|
|
|
|
| |
09.10.2003 - 22:03
Yekbûna Mehrecana Helbesta Kurdî
Mislim Kobanî - KOBANÎ (amude.com) -
Piştî demek nêzik, dê amadebûn ji roja Mehrecana Helbesta Kurdî
li Sûryayê were kirin û dibe ya îsal taybetiyeke xwe ya baş hebe,
ji ber ku sed sal di ser bûyîna helbestvanê hêja Cegerxwîn re derbas dibin.
>> Bixwîne
|
|
|
|
|
| |
09.10.2003 - 17:23
Berpirsiyar û redaktorê rojnameya
'Riya Teze' Emerîkê Serdar: "Em derdê miletiyê
vedibêjin, bira..!"
ÊRÎVAN (evarbash.com) - Rojnamevan
Salihê Kevirbirî raporeke berfireh li ser rojnameya
kurdî 'Riya Teze' amade kiriye û tê de
hevpeyvîneke dirêj bi berpirsiyar û
redaktorê 'Rojnameya Teze' Emerîkê Serdar re
li ser dîrok û rewşa wê kiriye.
>> Bixwîne
|
|
|
|
|
| |
09.10.2003 - 14:30
Kurdên Swêdê dixwazin siyaseta Sûryayê
riswa bikin
STOCKHOLM (amude.com) - Piştî ku li seranserî Ewropa
çalakiyên protestoyê li dij rêjîma
Sûryayê pêk hatin, Kurdên Swêdê jî
dixwazin bigihên hev û bi hevre li dij siyaseta
Sûryayê xwepêşandanekê pêk bînin.
Çalakiya wan şemiya bê li dar dikeve.
>> Bixwîne
|
|
|
|
|
| |
09.10.2003 - 14:13
Kurdên Nerwicê
piştgirî ji Perlemana Nerwicê xwestin
OSLO (amude.com) - Kurdên Nerwicê
doh li Oslo çalakiyeke protestoyê li pêşiya
Perlemana Nerwicê li dij rêjîma Sûryayê
pêk anîn. Kurdan wêneyên girtiyan
bilind kirin. Wan doza çareseriyekê ji bo pirsa kurdî
li Sûryayê û herweha azadkirina girtiyên siyasî
kirin. Komîteyeke ji Hevakriya Partiyên Kurdistanî
li Nerwicê dokûmentek gihandin serokatiya perlemanê
û tê de rolek Hikûmeta Nerwicê ya
aktîv ji bo çareserkirina pirsa kurdî
li Sûryayê kir.
>> Wêneyên çalakiyê
|
|
|
|
|
| |
08.10.2003 - 20:44
Merze Rezazî: Gelê kurd pêş ketiye, lê partiyên me
paşketî mane û xwedî li hunerê dernakevin
GELSENKÎRCHEN (amude.com) - Hunermenda kurd Merze Rezazî
di hevpeyvînekê de bi MALPERA AMÛDÊ re
rexneyan li medya û partiyên kurdî dike. Herweha ew
radigihîne ku ew xwe ji bo çûn û jiyana
li Kurdistanê amade dike. Wekî din, ew şirove dike, ku
navê 'Merziye' erebî ye û
ew 'Merze' çêtir dibîne.
>> Bixwîne
|
|
|
|
|
| |
08.10.2003 - 17:41
'Mezintirîn, girantirîn û bûhatirîn
pirtûk a cîhanê bi 5000 Euro ye
FRANKFURT (dpa/amude.com) - Îro li Pêşangeha
Frankfurt a Pirtûkan, pirtûka bi navê
'Modern Art - Revolution and Painting' hate pêşkêş kirin.
Ev pirtûk 32 kîlo giran e, mitroyek dirêj e
û bûhayê wê 5000 Euro ye. Weşanxaneya
Artmedia-Edizione ya îtalî ragihand, ku ev pirtûka wê
"mezintirîn, girantirîn û bûhatirîn pirtûk
a cîhanê" ye. Li ser 544 rûpelan, 265 tabloyên sedsala
19e û 20an hatine çap kirin. Tabloyên Pablo Pîcasso,
Vincent van Gogh û Andy Warhol jî di nav wan de ne.
|
|
|
|
|
| |
08.10.2003 - 14:55
Ganî Mîrzo li Holenda konsêrek
pêk anî
AMSTERDAM (amude.com) - Li ser daxwaza Wezareta
Ispanyayê ya Turîstan, hunermendê kurd Ganî
Mîrzo doh li bajarê Amsterdam li Holendayê
konsêrek muzîkê pêk anî. Mîrzo
Kurdê Başûrê-Rojavayî
Kurdistanê ye û li Ispanya dijî û wek
hunermend kar dike.
>> Bixwîne
|
|
|
|
|
| |
07.10.2003 - 23:36
Malpera Amûdê piştgiriya
Bingeha Laleş li Kurdistanê dike û kovara wê diweşîne
DORTMUND (amude.com) - Malpera Amûdê xebata
xwe ji bo piştgiriya çand û wêjeya kurdî
berdewam dike.
Ji niha û pê ve, ew dê piştgiriya Bingeha Laleş
ya Komelayetî û Çandî li Başûrê
Kurdistanê bike û duheftenameya wê ya bi navê
"Dengê Laleş" biweşîne û bi vê yekê derfetê
bide wê ku xwe bigihîne xwendevanan li seranserî
cîhanê.
"Dengê Laleş" ji 4 rûpelan pêk tê,
2 rûpelên bi zimanê kurdî û 2yên din
bi erebî. Sernivîserê wê nivîskar Xeyrî
Bozanî ye.
>> Yekemîn hejmara "Dengê Laleş" bixwîne
|
|
|
|
|
| |
07.10.2003 - 10:52
Îro Pêşangeha Frankfurt a Pirtûkan vedibe
FRANKFURT (dpa/amude.com) - Îro li bajarê
elmanî Frankfurt, dê 55e-mîn Pêşangeha
Pirtûkan a Frankfurt vebe. 6700 weşanxane ji bêtirî
100 welatan xwe ji bo pêşangehê qeyd kirine û dê
weşanên xwe li wê derê pêşkêş kin.
>> Bixwîne
|
|
|
|
|
| |
07.10.2003 - 10:33
Kurdên Nerwic û Swêdê jî dixwazin
rêjîma Sûryayê rûreş bikin
OSLO/STOCKHOLM (amude.com) - Kurdên Nerwic û Swêdê jî
dixwazin li Oslo û Stockholm çalakiyên protestoyê
li dij hikûmeta Sûryayê pêk bînin. Sibe li Oslo û şemiyê
li Stockholmê dê xwepêşandan li dar kevin.
>> Bixwîne
|
|
|
|
|
| |
06.10.2003 - 22:22
Kurdên Binxetê li Holenda
rêjîma Sûryayê protesto kirin
DEN HAAG (amude.com) - Îro li bajarê
holendî Den Haag, dora 100 Kurdên Başûrê-Rojavayî
Kurdistanê xwepêşandaneke ber bi Wezareta Derve ya
Holendayê li dij siyaseta rêjîma sûrî
pêk anîn. Piştre komîteyeke ji Kurdan bi
berpirsê wezaretê yê Rojhilata Navîn
Beelarts van Blokland re rûniştin û soz jê
stand, ku ew dê li ser daxwazên Kurdan rawestin û wan
bighînin Yekîtiya Ewropayê.
>> Li wêneyan temaşe bike
|
|
|
|
|
| |
06.10.2003 - 18:37
Eyşana Elî
Miço Kendeş - GENÈVE (evarbash.com) -
Tê gotin ku Eyşana Elî dawiya jiyana xwe li bajarê Amûdê derbas
kiribû (li ser bextê Amûdiyan).
Di stranên kurdî de, gelekan li ser çelengî û ciwanî û xweşikbûnê strandiye
û gelek pesindarê spehiyê hene; yek ji wan Mihemed Arif Cizrawî ye.
>> di ÊVAR BAŞ de bixwîne
|
|
|
|
|
| |
06.10.2003 - 17:58
Şêrko Bêkes li Qamişloyê bû
Ehmed Heyder - QAMIŞLO (amude.com) - Li Qamişloyê,
helbestvan Şêrko Bêkes hevdîtineke bi sernivîserên
kovara 'Mewasim' re pêk anî, berî ku berê xwe bide Swêdê ji
bo derbaskirina bêhnvedaneke dumehane li wê derê. Bêkes
li ser rewşa çandî li Kurdistanê rawestiya. Hêjayî gotinê ye,
ku Bêkes yekemîn Wezîrê Çandê di hikûmeta
Herêma Kurdistanê de li Silêmaniyê bû.
|
|
|
|
|
| |
06.10.2003 - 16:29
Yaşar Kemal bû 80ê salî
DORTMUND (amude.com) - Nivîskarê kurd
Yaşar Kemal îro dibe 80ê salî. Bi yekemîn
romana xwe "Ince Memet", a ku di 1955ê de derket, Kemal
kete rêza nivîskarên navdar de. Di sala
1997ê de, Yaşar Kemal Xelata Aştiyê ya
Bazarganiya Pirtûkan li Elmanyayê wergirt.
|
|
|
|
|
| |
06.10.2003 - 13:03
Hevendiya Demoqrata Kurdî li Sûryayê êrîşa
Israîl a li ser xaka Sûryayê protesto dike
QAMIŞLO (amude.com) - Hevendiya Demoqrata Kurdî li Sûryayê,
ku ji 5 partiyên kurdî pêk tê, di daxuyaniyekê de
êrîşa balafirên Israîl ên leşkerî ya
li ser xaka Sûryayê protesto û şermezar dike.
>> Bixwîne
|
|
|
|
|
| |
06.10.2003 - 12:50
Pîroz be Cejna Laleş
DORTMUND (amude.com) - Îro Cejna Laleş e,
roja aştî û dilxweşiyê ye, roja serlêdana Şêx Adî û heca
Êzîdiyan e. Di vê hefteyê de bawermendên êzîdî
diçin serdana Laleşê dikin û dibin 'Hecî'.
|
|
|
|
|
| |
06.10.2003 - 12:31
Dora 300 Kurdên Başûrê-Rojavayî
Kurdistanê li Berlînê rêjîma Sûryayê protesto dikin
FLAŞ
BERLÎN (amude.com) - Ji seranserî Elmanyayê,
dora 300 Kurdên Başûrê-Rojavayî
Kurdistanê li Berlînê kom bûne û li pêşiya
balyozxaneya sûrî siyaseta rêjîma Sûryayê
li hemberî Kurdan protesto dikin. balyozxane deriyên xwe girtine
û naxwaze komîteya Kurdan û daxwaznameya wan
pêşwazî bike.
>> Daxuyaniya partiyên kurd
|
|
|
|
|
| |
05.10.2003 - 12:32
Serokwezîrê Sûryayê pêşwaziya Kurdan kir
û soza çareserkirina pirsgirêkên wan da
FLAŞ
ŞAM (amude.com) - Serokwezîrê Sûryayê
Mihemed Nacî El-eterî îro pêşwaziya
komîteyeke ji Kurdan kir û soz da wan
ku ew ê nêzîk li ser daxwaz û pirsgirêkên wan
raweste. Herweha endamekî Perlemana Sûryayê bi navê
Ebdulrehman Hemrûş hevdîtin bi Kurdan re pêk anî
û soz da wan, ku ew dê bihêle ku di civîna
perlemanê ya bê de daxwazên Kurdan bikevin rojeva
perlemanê de. Dora 150 Kurdên Binxetê îro li pêşiya
avahiya Serokatiya Wezîran li dij projeya 'Serjimartina Awarte'
protesto kirin. Ev çalakî bi şêweyeke xweşik
û bê ti problêm derbas bû.
>> Bixwîne
|
|
|
|
|
| |
05.10.2003 - 11:11
Israîl êrîşî
kampeke Rêxistina Cîhad li Sûryayê kir
ŞAM (amude.com) - Hêzên leşkerî
yên israîlî ragiandin, ku wan doh bi şev
êrîşî kampeke Rêxistina Cîhad
a Islamî li ser erdê Sûryay&e | | | |