|
|
|
12.02.2006 - 03:30
|
[ 1811 caran hatiye xwendin ]
[ çap bike  ]
|
----------------------------------------------------------------------------------
Ji bo penaberê kurd Fehîm Şêxo çalakiyên protestoyê
amude.com
OLDENBURG (amude.com) - Hikumeta wîlayeta Niedersachsen a elmanî dixwaze penaberê kurd Fehîm Şêxo vegerîne Suriyê. Doza Şêxo ya mafê penaberiyê nehat pejirandin. Ew niha di zindana "JVA" a bajarê Hannover de ye, ku wekî zindana penaberên ku hikumet dixwaze wan bişîne welatên wan, tê naskirin. Dost û nasên Şêxo yên kurd û elman dê roja sêşema bê, seet 11.00, li bajarê Oldenburgê, Schlossplatz, li dijî biryara hikumetê ya şandina Şêxo bo Suriyê xwenîşandaneke protestoyê li dar xin. Herweha ev çend roj in ku pênc Kurd li bajarê Westerstede ji bo heman sedemê ketine greveke birçîbûnê. Ji bo têkiliyan: tel: 01736395929, 01623125606 û 01624559206.
Rêxistinên mafên mirovan li dijî vegerandina Kurdan bo Suriyê protesto dikin. Ew diyar dikin ku li Suriyê "Kurd têne çaewisandin" û yên ku li welatekî din doza mafê penaberiyê kiribe, "jiyana wî di xeterê de ye".
Hêjayî gotinê ye, ku di salên dawiyê de, piştî ku hikumeta elmanî hin penaberên kurd şandin Suriyê, ew li Suriyê hatin zindankirin û işkencekirin.
|
|
|
|
|
|
